«هرب من ناديه والمنتخب».. زكي عبدالفتاح مهاجمًا الحضري: «مينفعش نقول عليه أسطورة»

يرى زكي عبدالفتاح، مدرب حراس مرمى منتخب مصر السابق، أن عصام الحضري، حارس مرمى فريق كرة القدم الأول بالنادي الأهلي السابق، ليس أسطورة.

وقال زكي عبدالفتاح، في مداخلة هاتفية ببرنامج «اللعيب»، المذاع عبر فضائية «إم بي سي مصر»: «مينفعش أقول على عصام الحضري أسطورة، لأنه هرب من ناديه، وبيقطع في المنتخب عشان مش موجود في الجهاز الفني».

وأضاف: «مقدرش أقول على الحضري أسطورة، منطق الحضري هو أنا ونفسي وخلاص ومصلحتي فوق كل حاجة».

وتابع: «لقب الأسطورة محتاج كتير عشان تاخده سواء داخل الملعب أو خارج الملعب، احنا بنقول أسطورة عشان الأطفال ياخدوا اللاعب قدوة لهم وبيتعلموا منه، الحضري، حارس مميز وحقق بطولات كثيرة، لكن مينفعش يهرب من المنتخب في إسبانيا ويعتذر بين الشوطين عن الاستمرار في المنتخب! ده مينفعش نقول عليه أسطورة».